Freche kölsche Spröch vun hückzedaachs

Ald üvver fuffzich Johr lang ben ich kölsche Jraffiti-Spröch am sammele. Jenau vör dressich Johr kom dann dat eeschte Bändche eruus. Kei Minsch hatt domols jedaach, dat su e klei Täschebooch ne Renner sin künnt un mihmols opjelaat wääde moot.
„Wodraan künnt dat jeläje han?“, frohchten sich de Lück, bes dat se dohinger kome, dat et sich he öm en neu Jurendkultor handelen deit. Die Aanhänger dovun molten met Spröhdose aan Huuswäng, Britze un Moore unger däm Motto „Fantasie aan de Maach“ Jeistebletze, freche Parole un däm eeschte Aansching noh blödsennije Spröch op.
Noh un noh fungk su mäncheiner si Amasemang bei däm Lese vun de Spröch. Avjesinn natörlich vun de Lück, die üvver su mänch Schmeerereie en Alterazijon ov sujar en Raasch jerode sin, han de mihtste sich doch met där Aat vun Spröch arangscheet un ziteeren se bei alle müjjelije Jeläjenheite.
Bloß winnije Spröch sin er do, die tireck op Kölsch opbletze, de allermeeschte ston do op Huhdütsch. Trotzdem han ich se all jesammelt. Un die, die vun ehrer Aat herr met kölschem Jedankejot üvvereinstemme däte, han ich dann en uns Sproch üvverdrare. Dobei woodt ich selvs zo enem Feez-Deechter; vun dä 1.154 Spröch en däm Booch he es su jot de Hälv op eije Mess jewahße.
Och all de 98 Beldcher han ich sevs jemaht.
Jenoch geschwaadt un jeschrevve. Hat vill Spass un Freud met dem Studeere vun dä Spröch.
(Über fünfzigzig Jahre lang sammle ich schon Kölner Graffiti-Sprüche. Genau vor dreißig Jahren kam dann das erste Bändchen heraus. Kein Mensch hatte damals gedacht, dass so ein kleines Taschenbuch ein Renner sein könnte und mehrmals aufgelegt werden musste.
„Woran könnte das gelegen haben?“, fragten sich die Leute, bis sie dahinter kamen, dass es sich hier um eine neue Jugend-Kultur handelt, deren Jünger an Hauswänden, Bretterzäunen und Mauern mit Sprühdosen unter dem Motto „Phantasie an die Macht“ Geistesblitze, freche Parolen und dem ersten Anschein nach blödsinnige Sprüche aufmalten.
Nach und nach empfanden so manche ein Amüsement beim Lesen solcher Sprüche. Abgesehen natürlich von den Leuten, die über so manche Schmierereien bestürzt und äußerst erregt waren (und sind), haben die meisten sich doch mit der Art von Sprüchen engagiert und zitieren sie bei allen möglichen Gelegenheiten.
Nur wenige Sprüche gibt es, die gleich auf Kölsch aufblitzen, die allermeisten sind hochdeutsch geschrieben. Dennoch habe ich alle gesammelt. Und die, die von ihrer Art her mit kölschem Gedankengut übereinstimmten, übertrug ich in unsere Sprache. Dabei wurde ich selbst zu einem Unsinns-Poeten; von den 1.064 Sprüchen hier in diesem Buch ist so gut die Hälfte auf eigenem Mist gediehen.
Auch alle neunzig Bilder sind von mir.
So, genug davon. Haben Sie beim Studieren der Sprüche viel Spaß und Freude.)
Volker Gröbe